البرلمان المصرى الحر
أنت الآن فى البرلمان المصرى الحر ، نافذتك الحر للتعبير عن رأيك ، يشرفنا انضمامك إلينا ، لذلك فضلا قم بالتسجيل


منتدى البرلمان المصرى الحر - عن غرفة البرلمان المصرى الحر بالبالتوك
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مكالمة عاجلة مع الرئيس مبارك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
KING_51_1



عدد المساهمات : 5
تاريخ التسجيل : 03/06/2010

مُساهمةموضوع: مكالمة عاجلة مع الرئيس مبارك   7/6/2010, 3:07 am

بيقــولك فى يووم من الايــام قــرر الرئيــس انــة يقول رقــم تلفونــة لشعبــةومــا ان قــال الريس رقــم التلفــون حتــا قــامت جميــع فــئــات الشعــب بمسك موبيلاتهــمعشــان يلحقــوا يسجلوا رقــم الريــسيــا بختة يــا سعــدة ال ينوول شـرف مكـالمـة الريــسالنـاس فى كل حتــة ملهــاش غير سيــرة رقــم الريــس ومين ال حيكلموا وحيقولوا ايــةفى الجــامعــاتفــى دور العبــادةحتــى الاطفــال كلــة بيجهــز عشــان لمــا يكلم الريــسوطبعــا الريس وافــق انــة ينشــر رقــم تلفوونة غصب عنــة لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفوناتوإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم وتم كتابة الرقم علي لوحات مضيئة عملاقة أعلي العمارات والمباني الحكومية وكل خمس دقـايق اعلانــات فى التلفزيــونوكان الخلاف حول المكالمة هل تكون مجانية أم لا وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية جاءت ساعة الصفر .... وبدأت الخدمة ... وتلقي الرئيس عدة مكالمات المكالمة الأولي - ألو - أيون - إنت الريس - أيون يا حبيبي ... إيه مشكلتك - أنا ياريس دخلت قسم شرطة أعمل محضر قام الظباط والمخبرين ضربوني علي قفاياوجابوا ساعة رقمية وقعدوا يشوف من حيضربني أكتر علي قفايا في الدقيقةوما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران - بص يا مواطن إحنا كلنا في خدمة الوطنوالشعب في خدمة الشرطة لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك لازم تضحي شوية علشان الوطن - شكراً ياريس ربنا يخليك لنا ويخليك للوطن المكـــالمــة التــانيــة-الو- أيون- الريس معايا شخصياً- أيون ... قول يا مواطن ... إيه مشكلتك - أنا ياريس وغيري ملايين ساكنين في المقابر وتحت الكباري وفي عشش في ال ...في ال- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي - فاهم فاهم يا ريس - كمل يا مواطن - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ - طب ما تيجي ياريس تتعظ عندنا شوية - إخرس ... يا ..(....)دببببب وتم غلق الخط المكالمة الثالثة - ألو - أيون- الريس حبيبنا معانا - أيون أيوه كده ....إيه مشكلتك يا حبيبي ...؟؟- أنا ياريس شاب عندي 29 سنه ومتخرج بقالي 9 سنين ومش لاقي شغل ولسة بآخد مصروفي من والدي وقاعد علي القهوة طول اليوم ... نفسي أشتغل ياريس - أنت غريب قوي يا مواطن مش تحمد ربنا إننا مريحينك عايز تروح للشقي برجليك وبعدين مالها قعدة القهوة إتعلم منها حاجة تفيدك ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة - ياريس عايز أكون نفسي - ما تكونها يا حبيبي حد حايشك ...؟- أكونها إزاي من غير شغل ..؟- إيه يا مواطن أنا ماسك أعصابي إنت عايز البلد تكون ملايين من الناسإحنا فاضيلنك ولا إيه..؟؟إحنا عندنا عيال بنكونها برضه خلي أبوك يكونك يا مواطن دبببب وتم غلق الخط المكالمة الارابعة - ألو ..صباح الخير ياريسنا يا جميل - ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية - أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما - هههههه ... إنت تحمدي ربنا جواز إيه وقرف إيه خلفة وطبيخ وواحد متخلف ينكد عليكي ومسئولية خليكي كده - ياريس ... نفسي أحب وأتحب - يا مواطنة ... حب الوطن كفاية عليكي - يعني أتجوز الوطن وأجيب منه عيال - يوووه ... إنت مش عجبك كلامي طيب دبببب وإنتهت المكالمة الي عــاوز تلفــون الريــس ادهوولـــة بس كــل واحــد يقولنــا لمــا يكــلم رئيــس دولـتـة حيقولــة اية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Moody
Admin
avatar

عدد المساهمات : 115
تاريخ التسجيل : 02/06/2010
العمر : 50

مُساهمةموضوع: رد: مكالمة عاجلة مع الرئيس مبارك   9/6/2010, 2:37 am

أنا اخدت نمرة الريس من على صندوء الزبالة اللى قدام البيت، كانت مكتوبة وتحتها اتصل الان سعر الدقيقة عشرة جنيه، مع تحيات الريس والمجلس المحلى لمدينة الريس. الحقيقة فكرت اتصل واللا لا خصوصا ان عشرة جنيه فى الدقيقة كتير فى حب مصر وحب الريس. يعنى لو اتكلمت عشر دقايق يبقى كدا مرتب شهر من بتوع مجلس الوزرا اللى كانوا معتصمين قدام مجلس الوزرا برضه. لكن بعد تفكير عميق قلت أتصل خصوصا ان مشكلتى كبيرة مش هايحلها الا الريس ربنا يتولاه برحمته. شحنت بورقة بمتين جنيه وقلبى ينفطر كمدا وحزنا عليها ولسان حالى يقول حسبى الله ونعم الوكيل. وطلبت النمرة ..... وجانى الرد، وجانى الرد جانى ، بس مش لقيته بيستنانى . ردت عليا البت بتاعت موبينيل وقالت : الرقم الذى طلبته ربما يكون مسروقا او محروقا.! جالى (هارت آتاك) - هاتقوللى عرفتها منين هاقولك عرفتها بعد ما فوقت فى الانعاش من البت الممرضة اللى كانت عاملة اضراب هيا كمان واللى اول ما فوقت لقيتها بتبص ليا بغيظ وتقول انت صحيت ازاى ؟ مع اننا مش اديناك اى حاجة للعلاج علشان عاملين اضراب؟ ... قلت لها وانا لازلت مذهولا من هول الصدمة ... كنت باحلم ان الريس رد عليا لما طلبته.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مكالمة عاجلة مع الرئيس مبارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البرلمان المصرى الحر :: دفتر أحوال مصر :: منتدى أخبار مصر المهروسة-
انتقل الى: