[b] المدبحــــــــه

الدم ع الاسفلت .. ع الابريق .. ع الكوبّيات .
الدم فى الطرقات
فوق فساتين العيد الجديده ..
فوق مناديل البنات
الدم فوق البوابات .. والرايات
الدم خارج من صدور الامهات
الدم وقلب الضحايا ..
فوق جنازير الدبابات .
الدم ع الدكان .. ع الاجران .. على اسم الطريق
الدم فى الاجران .. الدم فوق كيس الدقيق .
الدم ساتر ع العيون ..
العيون اللى انطفى منها البريق .
الدم فوق كارت المعايده والعيديه ..
الدم فوق جوابات الصديق .
الدم فى الريق .. والمرىء ..
الدم بات فوق كل شىء ..
الا فى الوجوه .
كلمات..محمودصابر الخطيب